張家朗世界第一！全城為家朗奪金興奮，不過琴日記者圍訪家朗期間發生咗段插曲，事緣一名叫約臨嘅TVB主持表現失控，被網友指不斷發花癲同問無聊問題，令家朗有啲尷尬同嚇窒。
約臨事前喺社交網不斷大讚對方靚仔，而訪問一開始佢就已經失控：「我…我我我真係好鍾意你！點算呀？」，令家朗有啲愕然，期間亦幾次打斷對方：「你係點做到？中間做過啲乜？食過啲乜？」「我要改口叫你做金家朗！」家朗表示唔好。約臨仲話想俾個飛吻佢，令家朗只好以營業式微笑回應，並靠其他記者解圍，問返啲正路問題，例如比賽期間嘅策略等。
呢位主持嘅表現被網民大插佢失禮唔專業：「問到碌柒咁，阻Q住晒。」「話好鍾意人，叫人點答？」不過主持小姐事後解釋，覺得自己嘅提問無問題，亦唔覺得唔專業，仲澄清自己2017年已經做體育節目主持，當時已經留意家朗：「直至呢一刻，我都會堅持咁問！」
Search